Një sherr në çift ka përfunduar tragjikisht për një grua shqiptare në Itali. Një 37-vjeçar shqiptar ka vrarë të shoqen me thikë dhe më pas i ka telefonuar policisë. Ngjarja ka ndodhur në Gradisca d'Isonzo, në shtëpinë ku jetonte çifti.
“Ejani, kam vrarë time shoqe”, ka qenë thirrja e tij drejtuar policisë nëpëmjet një telefonate menjëherë pas krimit. Ai i ka pritur në shtëpi karabinierët dhe nuk ka bërë asnjë përpjekje për t’u larguar.
Agjentët e policisë e kanë gjetur pranë trupit të bashkëshortes 30-vjeçare.
Sipas të dhënave të para që ka siguruar policia, 37-vjeçari shqiptar ishte pa punë prej disa muajsh dhe ishte gruaja ajo që siguronte të ardhurat për familjen.
Ngjarja ka ndodhur rreth orës 9:00 të mëngjesit, ndërsa në shtëpinë e çiftit ishte edhe djali i tyre 8 vjeç.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
