Temperaturat e larta në vendin tonë, vijojnë të mbajnë aktive disa vatra zjarri. Gadishulli i Karaburunit mbetet vatër serioze zjarri. Situatë kritike paraqitet edhe në fshatit Palokastër në Gjirokastër.
Edhe në 2 në fshatra të Bashkisë së Memaliaj, raportohet se janë djegur rreth 50 hektarë me shkurre e pyje, ndërsa në Divjakë janë djegur 4 hektarë pyje.
Lidhur me këtë situatë krijuar nga zjarret në Karaburun ka reaguar Ministri i Mbrojtjes, Niko Peleshi.
Teksa publikon një video të aksionit të ushtrisë në Facebook, ministri Peleshi shkruan se mbi zonën e Karaburunit janë hedhur mbi 300 mijë litra ujë për të neutralizuar vatra të ndryshme zjarri.
Mbi 300 mijë litra ujë janë hedhur mbi zonën e Karaburunit për të neutralizuar vatra të ndryshme zjarri. Operacionet e Forcave të Armatosura do të vazhdojnë me intensitet për të eliminuar plotësisht çdo vatër. Temperaturat e larta, relievi dhe era e bëjnë akoma më kompleks operacionin. Ndërkohe janë marrë të gjitha masat që ne rast nevoje të shtohen trupat dhe mjetet nga ajri dhe toka.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
