Ka dalë para gjykatës së Korçës për t’u njohur me masën e sigurisë, 77-vjeçari Shefki Bylykbashi, i akuzuar për vrasjen e djalit 50-vjeçar Hamdi Bylykbashi.
“Arrest me burg” ka caktuar gjykata ndaj tij, duke bërë që të qëndrojë në qeli në vijim të hetimeve.
Në gjendje të rënduar, i moshuari dëgjohet të thotë në gjykatë, “Talleni me ne, jam i mbaruar”.
I moshuari nga fshati Zvezdë e Maliqit, akuzohet se ka vrarë të birin në kushtet e vetëmbrojtjes, pasi ky i fundit ka tentuar që ta hedhë në pus, çka ka bërë që i moshuari për të shpëtuar nga duart e të birit ta godasë me levë hekuri, plagë të cilat i shkaktuan edhe vdekjen viktimës.
Ndërsa fillimisht ngjarja u raportua si aksidentale dhe se 50-vjeçari në gjendje të dehur u rrëzua dhe dëmtoi kokën, hetimet çuan në zbardhjen e së vërtetës.
Gjatë marrjes në pyetje nga policia, i moshuari ka treguar ngjarjen se si ndodhi, duke shpjeguar se kurrsesi nuk ka dashur që të vriste djalin e tij, por vetëm që ta neutralizonte.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
