Kryeministri britanik, Boris Johnson, e ka mirëpritur heqjen e taksës ndaj Serbisë.
Siç bëhet e ditur në njoftimin për media të kryeministrisë britanike, Johnson në një telefonatë me presidentin Aleksandër Vuçiç e ka mbështetur vazhdimin e dialogut mes Kosovës dhe Serbisë si dhe ka mirëpritur heqjen e pjesshme të tarifave ndaj mallrave serbe.
“Kryeministri mbështeti rinisjen e dialogut mes Serbisë dhe Kosovës. Ai mirëpriti tërheqjen e pjesshme të Kosovës të tarifave ndaj mallrave nga Serbia dhe inkurajoi reagim pozitiv. Ai tha se Britania e Madhe do të vazhdojë të kërkojë me ngulm heqjen e plotë të tarifave”, ka thënë ai.
Në këtë mënyrë, njësoj si BE, edhe Britania, tashmë jashtë Bllokut, e konsideron arritje heqjen e pjesshme të taksës, një vendim i qeverisë “Kurti” që SHBA nuk e ka përkrahur, duke e quajtur “një gabim serioz” përmes të dërguarit të presidentit Trump për dialogun, Richard Grenell.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
