Baza detare e Sarandës, e dhënë me qira për 20 vite ndaj “Concord” dhe “Kastrati group” është vendosur nën sekuestro preventive nga SPAK me vendim gjykate.
Kjo sekuestro vjen pak ditë pasi ish-shefi i shtabit të përgjithshëm të Ushtrisë, Bardhyl Kollçaku, aktualisht deputet i Partisë Socialiste, u paraqit në SPAK, në të njëjtën ditë me ish-komandantin e Forcës Detare, Artur Meçollari.
Sekuestroja e bazës ushtarake të Sarandës vjen lidhur me kallëzimet e bëra nga Meçollari, për pretendimin e tij për abuzimin me pronat e ushtrisë dhe shkelje të rënda.
Meçollari pretendon se pronat e bazave ushtarake në Shëngjin dhe Sarandë janë dhënë me qira te biznesmenë, me qëllim përfitimi.
Po ashtu është njoftuar me një fletë-thirrje edhe ish-ministrja e Mbrojtjes, Olta Xhaçka.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
