Presidenti i Republikës, Bujar Nishani, do të mbledhë Këshillin e Sigurisë Kombëtare ditën e premte, 3 shkurt, në orën 12:00.
Këshilli i Sigurisë Kombëtare mblidhet pas një kërkese që kryetari i Kuvendit, Ilir Meta, i dërgoi pak ditë më parë Presidentit lidhur me çështjen e mosarrestimit të Klement Balilit.
Kërkesa e Metës u bë disa ditë më parë, kur dy partitë e mëdha të maxhoranës patën disa përplasje përmes deklaratave të zyrtarëve të tyre lidhur me arrestimin e Balilit dhe situatën e kanabisit në vend.
Këto përplasje kulmuan dje me shkarkimin e ministrit të Drejtësisë, Ylli Manjani.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
