Publikohet traileri dhe titulli i “Matrix 4”

Filmi “Matrix” është kthyer me të vetmin titull që do t’i përshtatej pas dy titujve të mëparshëm: “Ripërsëritja e Matrix” dhe “Revolucioni i Matrix”.

“Matrix 4” do të mbajë titullin “Ringjallja e Matrix”.

Lajmi u bë i ditur në botimin vjetor të “CinemaCon” për kinematë dhe industrinë e shfaqjeve.

Në panelin e “Warner Bros” u shfaq traileri i parë i filmit së bashku me titullin.

Videoja ende nuk është publikuar  në internet, por ata që e panë atë thanë se Neo, Keanu Reeves, shfaqet në një botë të së ardhmes dhe Neil Patrick Harris luan rolin e terapistit të Neos.

Sipas tyre Neo takohet me Trinity, Carrie-Anne Moss, të cilët mezi e njohën njëri-tjetrin fillimisht.

“Ringjallja e Matrix” është filmi i parë i serive të “Matrix” që prej vitit 2003. Gjithashtu “Ringjallja e Matrix” është i vetmi i realizuar nga një prej Wachowski ( Lana Wachowski shkroi dhe drejtoi filmin, ndërsa Lilly Wachowski nuk është përfshirë).

Përveç Reeves, Trinity, Harris, në film do të luajë dhe Jada Pinkett Smith (në rolin e Niobe), Lambert Wilson si Merovingian, Yahya Abdul-Mateen II dhe Priyanka Chopra.

Shumë pak është zbuluan për “Ringjalljen e Matrix”, por flitet se Neo dhe Trinity kanë ngecur brenda Matrix. Apo ndoshta janë klonet e tyre? Apo ndoshta njerëzit jashtë Matrix vdesin dhe ringjallen brenda Matrix-it?

Na duhet të presim deri më 22 dhjetor të këtij viti që të shohim premierën e “Ringjalljes së Matrix”, i cili fillimisht do të shfaqet në HBO MAX.