Ish-kryeministri Berisha ka hedhur akuza të rënda dje në drejtim të kryeministrit Rama. Gjatë seancës në Parlament, Berisha akuzoi vëllanë e kryeministrit për përfshirje në trafik kokaine. “Olsi Rama, me makinën e Gentian Gjonajt është përfshirë në trafik kokaine. Kam pesë dalje kufiri me data”, tha Berisha.
Deputeti i PD-së akuzoi kryeministrin Rama se ka dhënë urdhër për lirimin e Lulzim Berishës dhe është takuar me Emiljano Shullazin, para se ky të arrestohej.
Gjatë fjalës së tij pati ndërhyrje të deputetëve socialist nga salla, ndërsa Berisha u përgjigj se i kishte larguar me hu nga pushteti.
“Erdhët në pushtet me dhunë, ju përzura me hu, huri është vota në këtë rast. Mos përmendi 1997 se është turpi juaj”, u shpreh Berisha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
