Ejupi: Ikja e Asadit është fitore e Turqisë

<p>Pas largimit të Asadit, në Siri nis një tjetër luftë: ajo për pushtetin. Por Turqia do të jetë në krah të Sirisë, duke mbështetur rindërtimin e saj. Në studion e lajmeve përmes Skype, gazetari Abdulvehap Ejupi tha se në këtë periudhë tranzicioni, Turqia është kategorike për ruajtjen e integritetit territorial të Sirisë. &nbsp;</p> <blockquote> <p><em>Siria është në tranzicion. Ka dyndje dhe shpërngulje si të brendshme, edhe të jashtme. Pas ikjes së Asadit, miliona sirianë duan të kthehen. Ndërkohë, qeveria e tranzicionit ka filluar detyrën. Tani fillon një luftë tjetër: lufta e pushtetit. Forcat opozitare po mbështeten nga Turqia. Para pak çastesh kanë arritur një marrëveshje armëpushimi. Në territoret e Sirisë Lindore nën kontroll të YPG shumica e popullsisë janë arabë. YPG përkrahet nga SHBA dhe vendet perëndimore. Turqia është kategorike për ruajtjen e integritetit territorial të Sirisë. Qëndrimi i Turqisë ka peshë në terren.</em></p> </blockquote> <p>Ejupi u ndal te interesat që ndërthuren në Sirinë post Asad</p> <blockquote> <p><em>Interesi i SHBA është se aty janë 70-80% e burimeve të naftës. SHBA përfiton. Izraeli është themeluar mbi okupimin e Palestinës. Mua nuk me befason asnjë nga këto. Në çdo vakum që sheh, Izraeli vijon ekspansionin e tij. </em></p> </blockquote> <p>Sipas tij, largimi i Asadit drejt Moskës, është në fakt fitore e Turqisë.</p> <blockquote> <p><em>Shefi i inteligjencës turke është sot në Damask. Po flitet për sigurinë në Siri, integritetin territorial dhe rindërtimin. Ky takim ka peshë simbolike dhe strategjike. I gjithë organizimi i çlirimit të Sirisë ka ndodhur me aprovimin nga Turqia. Ikja e Asadit është fitore e Turqisë. Rusia nuk do të ketë më përparësinë që kishte falë tij në detet e ngrohta. Largimi i tij nga pushteti u jep forcave qeveritare mundësi. Rol model kanë Turqinë si shtet me pakica të shumta që jetojnë në paqe. Turqia do të ketë kontribut si në ndërtimin e Sirisë edhe më gjerë. </em></p> </blockquote> <iframe width="1250" height="703" src="https://www.youtube.com/embed/KRMTKGJkv0k" title="Ejupi: Ikja e Asadit është fitore e Turqisë" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>