Me qindra protestues e studentë janë mbledhur para televizionit shtetëror në Beograd, për të shprehur indinjatën e tyre me pretendimin se tragjedia e Novi Sadit nuk është pasqyruar siç duhet.
Fatmir Sheholli, ekspert sigurie tha përmes një lidhje “Skype” me studion e lajmeve të MCN Tv se fundi politik i Vuçiçit do ndodhë së shpejti.
Vuçiç është duke përdorur metoda të vjetra dhe shumë jodemoktratike në raport me studentët. Regjimi i tij diktatorial e ka ftuar rektorin e universitet në pyetje. Kjo e bën më të vështir çështjen që të ketë ndalesa.
Nuk ka tjetër rrugëdalje. Vuçiç mund ta mbajë me polici por nuk mundet në pafundësi. Fundi i tij politik është duke ndodhur dhe do ndodhë.
Është fillimi i fundit të jetës politike jo vetëm të Vuçiç, por shumë njerëzve afër tij.
I ndalur tek zhvillimet e fundit në Kosovë, Sheholli tha se ajo që po bën Kurti është uzurpim i demokracisë.
Është uzurpim i demokracisë nga ana e Kurtit. Kurti tani është deputet i Parlamentit të Republikës së Kosovës dhe është dashur sot që ai dhe kabineti i tij qeveritar ta paraqesë dorëheqjen para kryesuesit të Kuvendit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
