Mbi 100 aktivistë të klimës janë arrestuar pasi organizuan një bllokadë lundruese të portit më të madh të qymyrit në Australi. Mes tyre janë edhe pesë të mitur dhe një 97-vjeçar.
Një flotë kajakësh bllokoi trafikun e anijeve në fundjavë në Portin e Newcastle në bregun lindor të Australisë, duke i bërë thirrje qeverisë që t’i japë fund varësisë së vendit nga eksportet e karburanteve fosile.
Autoritetet ranë dakord të linin protestën të vazhdonte për 30 orë, por më pas ndërhynë kur demonstruesit refuzuan të hiqnin bllokadën në përfundim të ultimatumit.
Midis 109 personave të arrestuar ishte përfaqësuesi i Kishës së Bashkuar, Alan Stuart, 97 vjeç, i cili tha se donte të shmangte katastrofat klimatike për brezat e ardhshëm.
“Ne zgjodhëm të rrezikonim arrestimin sepse shkencëtarët paralajmërojnë se për të shmangur kolapsin katastrofik të klimës, duhet urgjentisht të heqim dorë nga karburantet fosile”, tha grupi protestues Rising Tide, i cili organizoi bllokadën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
