Ish-modelja Stacey Williams akuzon Donald Trump, të cilin e ka takuar përmes Jeffrey Epstein, për ngacmim seksual ndaj saj në vitet 1990, raporton The Guardian.
Williams, e cila ka punuar si modele profesioniste në vitet 1990, tha se ajo u takua për herë të parë me Trumpin në vitin 1992 në një festë Krishtlindjesh pasi u prezantua nga Epstein dhe e akuzoi ish-presidentin se e kishte ngacmuar atë në Trump Tower në 1993, në atë që ajo beson se ishte një “lojë perverse” mes dy burrave.
Pak çaste pasi mbërritën, pretendon ajo, Trump e përshëndeti Williams, e tërhoqi drejt tij dhe filloi ta përkëdhelte. Ajo tha se ai vendosi duart e tij “në të gjithë gjoksin tim, si dhe belin dhe të pasmet e mia”.
Ajo tha se ngriu sepse ishte komplet e hutuar për atë që po ndodhte. Në të njëjtën kohë, ajo tha se besonte se i kishte parë dy burrat duke buzëqeshur me njëri-tjetrin.
The Guardian citon një zëdhënëse të fushatës që i hodhi poshtë akuzat si një histori të rreme, të përgatitur nga fushata e Harris dhe e përshkruan Williams si “një ish-aktiviste” të ish-presidentit demokrat Barack Obama.
Epstein u dënua më vonë për abuzim seksual dhe vrau veten në burg në vitin 2019.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
