Një vrimë e zezë gjigante që qëndron në qendër të galaktikës sonë është e fotografuar për herë të parë. I njohur si Shigjetari A*, objekti është katër milionë herë më i madh se masa e Diellit tonë.
Fotoja tregon një rajon të errët qendror ku ndodhet vrima, e rrethuar nga drita që vjen nga gazi super i nxehtë i përshpejtuar nga forcat e pafundme gravitacionale.
Për krahasim, unaza është afërsisht sa madhësia e orbitës së Mërkurit rreth yllit tonë, praktikisht rreth 60 milion km, ose 40 milion milje, gjerësi.
Për fat të mirë, ky përbindësh është shumë larg - rreth 26 000 vite dritë në distancë - kështu që nuk ka asnjë mundësi që ne të kemi ndonjë rrezik.
Imazhi është prodhuar nga një ekip ndërkombëtar ekspertësh.
Ky është imazhi i dytë i tillë pas atij të 2019-s, kohë kur u fotografua vrima e zezë gjigante në zemër të një galaktike tjetër të quajtur Messier 87, ose M87. Ai objekt ishte më shumë se një mijë herë më i madh në 6.5 miliardë herë më shumë se masa e Diellit tonë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
