Gledis Nano do të jetë Drejtori i ri i Përgjithshëm, i Policisë së Shtetit. Kjo lëvizje vjen pas dorëheqjes ditën e djeshme të Ardi Veliut.
Gledis Nano, i cili ka 17 vite eksperiencë në Policinë e Shtetit, së fundi ka mbajtur detyrën e drejtorit të Antiterrorit në Policinë e Shtetit.
Nano, ka qenë një nga emrat më kyç të operacioneve të riatdhesimit të shqiptarëve në kampet e ferrit në Siri.
Ai ka marrë certifikatë vlerësimi për kontributin e dhënë në luftën kundër terrorizmit global, e ndërsa për punën e tij në këto operacione të rëndësishme është vlerësuar edhe nga ish-ministri i Brendshëm, Sandër Lleshaj.
Kujtojmë se Ardi Veliu, dha dorëheqjen një ditë më parë, përmes një letre drejtuar kryeministrit Edi Rama, ku theksonte se do të largohej nga detyra për t’iu përkushtuar më shumë familjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
