Protesta për çmimin e energjisë, Krasniqi: Mllef i socialdemokratëve ndaj qeverisë “Kurti”

Protestën për rritjen e çmimit të energjisë elektrike në Prishtinë, Agim Krasniqi, sekretar i Institutit Shqiptar për Gjeopolitikë, e sheh më shumë si njëfarë mllefi të organizatorëve ndaj qeverisë së Albin Kurtit sesa një organizim qytetar.

Protesta është organizuar nga socialdemokratët, një fragment i shkëputur pak vite më parë nga Vetëvendosja. Krasniqi thotë se nëse protesta do të vinte nga shoqëria civile, do të kishte mbështetje më të gjerë.

Është organizuar nga Partia Socialdemokrate, e cila u shkëput nga Vetëvendosja. E shoh më shumë si një përpjekje për t’iu kundërvënë kësaj qeverie, për të shprehur njëfarë mllefi. Sikur të vinte nga shoqëria civile do të kishte mbështetje më të gjerë.