Skema që Qipro aplikonte për dhënien e shtetësisë për biznesmenët e huaj që investonin në vend 2 mln euro e lart është pezulluar. Kjo për shkak se gazetarët e Al Jazeera filmuan një zyrtar qipriot, duke ndihmuar një biznesmen të rremë me një të kaluar kriminale për të marrë pasaportën, që i mundëson më pas lëvizjen e lirë në BE.
Personi që ra pre e rrengut të gazetarëve të Al Jazeera-s është kryetari i parlamentit të Qipros Demetris Syllouris, i cili tha se ai do të tërhiqej derisa të përfundonte hetimi. Syllouris, i cili është zyrtari i dytë më i lartë shtetëror i Qipros, tha se do të tërhiqej nga detyrat duke filluar nga 19 tetori.
Në videon e fshehtë të kapur nga gazetarët e Al Jazeera dhe të publikuara të hënën, Syllouris ushtron ndikimin e tij për të ndihmuar në marrjen e shtetësisë biznesmenin fiktiv.
Sot Syllouris lëshoi një deklaratë duke kërkuar falje për "pamjet e pakëndshëm të përcjellë tek publiku Qipriot ... dhe çdo shqetësim tjetër që mund të kenë shkaktuar".
Njoftimi i tij erdhi menjëherë pasi qeveria tha se kishte miratuar një propozim për të pezulluar skemën, programin e shtetësisë për investime, pas një seance urgjente ditën e sotme.
Në një deklaratë të postuar në Tëitter, zyra e Presidentit Qipriot Nicos Anastasiades tha se propozimi u paraqit në përgjigje të "dobësive" në skemën që mund të "keqpërdorej".
Qipro, e cila u bashkua me BE në 2004, aktualisht siguron pasaporta për shtetasit ekstrakomunitarë që bëjnë investime të konsiderueshme në vend.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
