Komiteti LIBE i Parlamentit Evropian do të diskutojë për liberalizimin e vizave për qytetarët e Kosovës. Sipas medias në Kosovë, nga ky diskutim, ministrja e Integrimeve Evropiane,Dhurata Hoxha, pret që të mos ketë befasi, por me shumicë të votave të miratohet heqja e vizave për kosovarët.
Hoxha është shprehur optimiste një ditë më parë, pas mbledhjes së këshillit ministror për integrime evropiane, duke thënë se liberalizimi i vizave për Kosovën do të votohet me shumicën e votave, edhe pse nuk pret që votat të jenë unanime.
“Nuk presim befasi, ka pasur takime veç e veç me secilin nga anëtarët e komitetit LIBE në Bruksel, të gjithë kanë premtuar votën e tyre. nuk është një votë unanime, është një votë me shumicë në këtë komitet dhe mund të themi, fatmirësisht ne e kemi këtë, kemi punuar shumë me deputetët që vijnë edhe nga grupimet e ndryshme politike që pastaj reflekton situatën edhe në Parlamentin Evropian”, është shprehur Hoxha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
