Më shumë se 187,000 refugjatë që ikën nga lufta në Ukrainë kanë mbërritur në Gjermani, sipas Ministrisë së Brendshme gjermane.
Deri të enjten, 187,428 refugjatë ishin regjistruar nga policia gjermane, por numri aktual i refugjatëve që vijnë mund të jetë dukshëm më i lartë për shkak të mungesës së kontrolleve kufitare midis Polonisë dhe Gjermanisë, tha një zëdhënës i ministrisë së brendshme për CNN.
Shumica e refugjatëve që mbërrijnë në Gjermani janë gra, fëmijë dhe të moshuar, tha zëdhënësi.
Organizata Ndërkombëtare për Migracionin vlerësoi se më shumë se tre milionë refugjatë kanë ikur nga Ukraina e shkatërruar nga lufta në vendet fqinje në një hark kohor prej disa javësh, duke nxitur thirrje për më shumë kombe dhe veçanërisht SHBA, për të pranuar refugjatë.
Presidenti polak Andrzej Duda i kërkoi personalisht zëvendëspresidentes së SHBA-së Kamala Harris javën e kaluar që të shpejtojë dhe thjeshtojë procedurat që lejojnë ukrainasit me familje në SHBA të vijnë në vend.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
