Nuk ka surpriza në sfidën e kthimit të fazës së 1/16-tave të kompeticionit të “Uefa Champions League” mes PSG-së dhe Realit të Madridit, sfidë që u zhvillua në stadiumin “Parc des Princes”.
Madrilenët e drejtuar nga trajneri francez, Zinedine Zidane, kualifikohen për në fazën tjetër të këtij kompeticioni duke triumfuar dhe në sfidën e kthimit me rezultatin 1-2, pas fitores së parë në “Santiago Bernabeo” me rezultatin 3-1.
Një 90-minutësh që u dominua nga madrilenët që nuk e vunë për asnjë moment në diskutim kualifikimin përballë një Parisi që nuk ishte në një ditë të mirë, ku u vu re qartë dhe mungesa e Neymar.
Golat e fitores në këtë takim për “Los Blancos” ishin Kristiano Ronaldo dhe mesfushori Lucas Vazquez që hipotekuan kualifikimin e skuadrës së tyre, ndërsa golin e vetëm për PSG-në në këtë sfidë u shënua nga Edison Kavani që vlejti vetëm për statistikë.
Edhe Liverpooli është kualifikuar për në raundin tjetër duke eleminuar në këtë fazë skuadrën e Portos.
Sfida e sotme e zhvilluar në “Anfiled Road” u mbyll me rezultatin e bardhë 0-0, por “The Reds” kalojnë për në fazën tjetër pas fitores së arritur në transfertë me rezultatin e thellë 5-0.
Goli i pare i shenuar nga Ronaldo.
Goli i dyte i shenuar nga Cavani
Goli i trete i shenuar nga Vazquez
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
