Të shtëna me armë zjarri janë regjistruar para pak minutash në qytetin e Mamurrasit.
Një 25-vjeçar i quajtur jurgen Ndreca është plagosur me armë zjarri.
Bëhet me dije se i plagosuri është nisur drejt Spitalit të Traumës për të marrë kujdesin e nevojshëm shëndetësor.
Burime për MCN Tv bëjnë me dije se është identifikuar dhe prangosur autori i prangosjes.
Ende nuk dihen rrethanat e ngjarjes.
Korrespondenti Jul Simoni tha përmes një lidhje telefonike me MCN Live se dyshohet se bëhet fjalë për një konflikt ku është përfshirë 25-vjeçari dhe jo për një atentat të organizuar.
Ngjarja ka ndodhur pak minuta më parë ku është plagosur një 25-vjeçar, Jurgen Ndreca. Është dërguar tek Trauma, 25-vjeçari ndodhet jashtë rrezikut për jetën. Policia ka bërë të mundur prangosjen e autorit, identiteti i të cilit ende nuk është bërë i ditur. As motivet nuk dihen. Kemi të bëjmë me një plagosje që ka ndodhur në qendër të qytetit. Është e dyta që ndodh në harkun kohor të tre ditëve. Dyshimet janë për një konflikt që mund të ketë pasur 25-vjeçari, jo për një atentat të mirëorganizuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
