Pamjet që gjenden më poshtë tregojnë momentet e atentatit ndaj kryeministerit të Sllovakisë, Robert Fico, i cili si pasojë e të shtënave po lufton mes jetës dhe vdekjes.
Kryeministri sllovak u qëllua, në atë që ministria e Brendshme sllovake tha se ishte një atentat.
Ai u qëllua përpara një ndërtese në qytetin qendror të Sllovakisë, Handlova, ku ishte mbajtur një mbledhje e qeverisë.
Fico u plagos në bark, gjoks dhe gjymtyrë nga të paktën 3-4 të shtëna me armë, duke u transportuar me urgjencë në spital, pasi fillimisht u fut me shpejtësi në makinën e tij.s
Autori i sulmit, i cili fshihej mes turmës së mbledhur para godinës ku po fliste kryeministri, u ndalua nga disa kalimtarë dhe forcat e sigurisë.
Aktualisht kryeministri 59-vjeçar po i nënshtrohet një ndërhyrje kirurgjikale, ndërkohë që paraqitet në rrezik për jetën.
“Kryeministri u transportua me helikopter në spitalin Banska Bystrica midis jetës dhe vdekjes”, njoftoi qeveria në një deklaratë, duke e quajtur sulmin një tentativë vrasje.
Autori i atentatit është identifikuar si një “majtist” 71-vjeçar, Juraj Tsintula, për të cilin thuhet se ka botuar disa koleksione me poezi dhe ka punuar për një shërbim privat sigurie në vitin 2016.
Ndërkohë politika e jashtme e kryeministrit 59-vjeçar ka tërhequr kritika nga Perëndimi, pasi pikëpamjet e tij gjithnjë e më pro-ruse kanë qenë në kundërshtim me ato të vendeve anëtare të NATO-s.
Në fushatën e tetorit të kaluar, ai e bëri të qartë pozicionin e tij për dërgimin e armëve në Ukrainë.
Fico ka qenë një kundërshtar i zëshëm i sanksioneve të vendosura ndaj Rusisë, ndërsa vazhdon të kërcënojë me veton ndaj çdo ftese të ardhshme të anëtarësimit në NATO për Ukrainën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
