Ndërsa muaji korrik shënon kulmin e sezonit turistik dhe shumë biznese janë përgatitur të presin pushuesit, mjedisi përreth plazhit të Golemit dhe Durrësit duket se nuk është aq “mikpritës”.
“Male me plehra” shihen çdo 500 metër vijës bregdetare të Golemit dhe Durrësit ku mesa duket ende nuk është gjetur se si dhe ku do të përpunohen plehrat pas mbylljes së vend grumbullimit të Porto Romanos.
Siç shihet nga pamjet e siguruara nga MCN, grumbujt me plehra kanë zënë pamjen piktoreske të plazhit dhe janë kthyer në një shqetësim si për pushuesit dhe biznes përreth.
Megjithëse kryeministri Edi Rama së fundmi është shprehur se “Do të bëjmë Shqipërinë kampion të turizmit në Ballkan”, në zonat turistike mungon shërbimi bazë, heqja e plehrave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
