Një ngjarje e rëndë është parandaluar nga policia e Dibrës mbrëmjen e së mërkurës. Mësohet se dy persona janë konfliktuar për një borxh të pakthyer dhe sherri ka degjeneruar deri në nxjerrjen e një arme zjarri.
Sipas policisë së Dibrës, Jetmir Kade, 35 vjeç, banues në njësinë administrative Sllovë, ka shkuar i armatosur me kallashnikov në shtëpinë e një personi tjetër, i cili nuk i kishte kthyer borxhin prej 9 mijë lekësh që i kishte marrë.
Pasi ka qëlluar në drejtim të shtëpisë së borxhliut, ky i fundit ka dalë dhe të dy janë larguar për t’u sqaruar. Në këtë moment ka ndërhyrë policia, e cila e ka ndaluar 35-vjeçarin si edhe ka sekuestruar armën e zjarrit, me fishekët gati për qitje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
