Zjarri që dogji Katedralen e Parisit prillin e kaluar mund të ketë pasur si shkak një cigare apo një qark të shkurtër.
Ky është konkluzioni që ka dalë nga një hetim paraprak i prokurorisë së Parisit, i cili përjashton pistën e zjarrvënies së qëllimshme.
Sipas rezultateve të hetimit paraprak, nuk ka asnjë element që mbështet hipotezën e një zjarri të qëllimshëm apo skenari tjetër kriminal në lidhje me katedralen “Notre Dame”.
Mes shkaqeve të mundshme, Prokuroria e Parisit konfirmon mundësinë e një defekti në sistemin elektrik ose një cigare që nuk është shuar plotësisht në momentin e hedhjes.
Pas hetimit paraprak, prokuroria ua kalon rastin tre magjistratëve, të cilët do të çojnë deri në fund dosjen e ngjarjes së 15 prillit në kryeqytetin francez.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
