India ka regjistruar 49 931 raste të reja koronavirusi në 24 orët e fundit, që është niveli më i lartë ditor që nga fillimi i pandemisë: rekordi i ri, sipas statistikave të Ministrisë së Shëndetësisë të raportuara nga CNN, u shoqërua me 708 të vdekur.
Të dhënat e reja e çojnë bilancin e përgjithshëm të infeksionit në 1 435 453 dhe numrin e vdekjeve në 32 771.
Deri më tani, ka 485 000 pacientë aktivë dhe 917 568 të tjerë janë shëruar.
Këshilli për Kërkime Mjekësore në Indi ka njoftuar se janë bërë mbi 16.8 milionë testime që nga fillimi i pandemisë.
India është e treta në listën e vendeve me numrin më të lartë të të infektuarve, pas SHBA dhe Brazilit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
