Helikopteri ku ndodhej presidenti iranian Ebrahim Raisi mori flakë vetëm pasi goditi një mal dhe nuk u gjetën gjurmë plumbash apo goditje të tjera në trupin e avionit.
Kjo mbështetet nga një raport paraprak i publikuar nga Shtabi i Përgjithshëm i Forcave të Armatosura iraniane, sipas asaj që raporton agjencia IRNA.
Në dokument thuhet se piloti i helikopterit ka arritur të kontaktojë pilotët e dy helikopterëve të tjerë të cilët udhëtonin me helikopterin e presidentit, duke u kthyer nga Azerbajxhani, një minutë e gjysmë përpara përplasjes.
Helikopteri i cili transportonte presidentin iranian Ebrahim Raisi u rrëzua të dielën në një zonë malore në veriperëndim të Iranit, ndërsa po fluturonte përgjatë rrugës së paracaktuar.
Një ekip i ngarkuar me ekzaminimin e rastit u dërgua në vendin e rrëzimit të hënën, thuhet në raport.
Gjatë hetimit është mbledhur “një pjesë e konsiderueshme” e informacionit të nevojshëm për të sqaruar arsyet që e shtynë helikopterin të godiste zonën malore, shton raporti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
