Sigurimi i jetës dhe shëndetit, Sherifi: Dëmshpërblimi, minimal në krahasim me dëmin. Pagesat zvarriten me vite

<p>Edhe në tre muajt e parë të këtij viti, tregu i sigurimeve ka shënuar një trajektore rritëse, ndërkohë që në rritje më të dukshme janë dëmet e paguara nga kompanitë në këtë fazë të parë të vitit. Megjithatë, raporti i dëmeve që paguajnë kompanitë në krahasim me atë që arkëtojnë mbetet i ulët.</p> <p>Në studion e MCN Economy, Erid Sherifi, shpjegoi procedurat që ndiqen në rast aksidentesh rrugore apo aksidente në punë, duke e vënë theksin te vlera e vogël që përfitojnë të dëmtuarit në krahasim me dëmin dhe traumën e shkaktuar.</p> <blockquote> <p> </p> <p><a href="https://www.fibank.al/individe/depozita-dhe-investime/depozita/depozita-e-hapur" target="_blank"><img alt height="100" src="https://www.mcntv.al/sites/default/files/fbank31.gif" style="float:left" typeof="foaf:Image" width="600"></a></p> <p> </p> <p><em>Ligji përcakton dëmshpërblimet dhe afatet. Në momentin që kompletohet procesi penal, personi duhet të marrë dosjen dhe t’i drejtohet kompanisë së sigurimit. Kjo është e detyruar për një afat 10-ditor të kërkoj plotësimin e dokumenteve dhe brenda 90 ditësh të japë dëmshpërblimin. </em></p> <p><em>Kur flasim për vlera të vogla, kompanitë rritin statistikat e tyre. Kur ka vlera të mëdha, personat e dëmtuar heqin të zitë e ullirit derisa të marrin dëmshpërblimin. Flasim për 5-10 milionë të reja, që janë shumë pak në krahasim për shembull me humbjen e jetës.</em></p> </blockquote> <p>Sipas tij, kompanitë e sigurimit zvarrisin pagesat, për të cilat shpesh të dëmtuarit i drejtohen gjykatës, e cila shton vonesa të tjera.</p> <blockquote> <p><em>Kompanitë e sigurimit që paguajnë brenda afatit nuk numërohen as me gishtat e njërës dorë. Nëse shkon në proces gjyqësor, të shkojë 3 vjet në shkallë të parë dhe 7 të tjera në apel. &nbsp;</em></p> <p><em>Ka dëme të papaguara që nga viti 2010. </em></p> </blockquote> <p>Sherifi tha se shpesh për shkak të informacionit të kufizuar, pala e dëmtuar pranon marrëveshje që e çojnë fitimin te kompania.</p> <blockquote> <p><em>Qytetari në momentin e parë i drejtohet një avokati. Këta të fundit i shkojnë në spital dhe bëhet marrëveshja. I drejtohen kompanisë së sigurimit kërkojnë shpërblimin e dëmit. Vlera e sigurimit është e papërfillshme në krahasim me traumën që i shkaktohet. Në më të shumtën e rasteve, kompanitë ofrojnë deri në 600 mijë lekë të vjetra. Aq i shkojnë kosto, por kompanitë nuk ia njohin faturat. Kompanitë e sigurimit janë të predispozuara për të paguar sa më pak. </em></p> <p><em>Pra, kemi përballë milionerin dhe atë që nuk ka bukë të hajë në shtëpi. Kur e sheh që i ofrohet një shumë e caktuar, ai e pranon. &nbsp;I shoh kompanitë që dalin me fitim, edhe pse ka një numër të lartë të aksidentuarish. &nbsp;</em></p> <p><em>E dini sa vlen jeta e një minatori? Vetëm 6 milionë lekë të reja. </em></p> </blockquote> <p>&nbsp;</p>