Ndërsa punimet për rikonstruksionin e autostradës Tiranë-Durrës kanë perfunduar, Autoriteti Rrugor Shqiptar ka njoftuar rifillimin e punimeve në një tjetër segment rrugor. Bëhet fjhalë për ndërhyrjen në segmentin rrugor, Degëzimi-Vorë- Fabrika e Tullave në kuadër të projektit të mirëmbajtjes.
Autoriteti Rrugor Shqiptar bën të ditur se rehabilitimi për këtë segment do të nisë të hënën, në orën 06:00 të mëngjesit dhe se për këtë sipas ARRSH-së dhe Policisë së Qarkullimit Rrugor është hartuar një plan operacional i ndërhyrjes dhe devijimit të trafikut, për të shmangur bllokimin e qarkullimit dhe garantuar mbarëvajtjen e punës në terren. Sakaq ARRSH dhe Policia Rrugore ka bërë publike edhe internerarin që drejtuesit e automjeteve, do të duhet të ndjekin për lëvizjen dhe shmangien e trafikut si më poshtë:
1.Mjetet e rënda që vijnë nga Veriu në drejtim të doganës së Tiranës do të vijojnë normalisht nga Fushë Kruja në Doganë dhe do të kthehen përsëri nga i njëjti segment rrugor.
2. Automjetet e rënda që vijnë nga Veriu në drejtim të portit të Durrësit dhe Jug do të përdorin segmentin Fushë Krujë – rreth rrotullimi Kamëz – Durrës.
3. Trafiku i mjeteve të renda nga Jugu, në drejtim të veriut do të përdorin segmentin rreth rrotullimi i Kamzës – Fushë Krujë.
4. Drejtuesit e autoveturave do të vijojnë normalisht drejt destinacioneve respektive duke përdorur urën e Vorës.
5. Transporti i udhëtareve ne të dy drejtimet do të përdorin segmentin e rrugës së aeroportit të Rinasit dhe mbikalimit te Kasharit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
