Një ngjarje e rëndë ka tronditur Tiranën mesditën e sotme. Një djalë 7-vjeçar ka qëlluar për vdekje babanë e tij, efektiv i forcave FNSH prej më se 10 vitesh.
Policia bën të ditur se viktima është 39-vjeçari Roland Bicerri, ndërsa ngjarja e cila ishte aksidentale ka ndodhur rreth orës 13:30.
Bazuar në atë që kanë deklaruar dëshmitarët okularë, gjithçka ka ndodhur në momentet kur efektivi po luante bilardo në një bar pranë shtëpisë së tyre.
Në një moment, i mituri ka marrë pistoletë në dorë dhe e ka qëlluar të atin, duke e lënë të vdekur në vend.
Një grup hetimor i ngritur pak moment pas ngjarjes, pritet të zbardhë dhe rrethanat e plota të saj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
