Pas dekorimit në fshehtësi të 67 ballistëve nga Presidenti i Republikës, në Divjakë, javën e kaluar, veteranët kanë reaguar me anë të një letre drejtuar Kuvendit. Kryesia e Komitetit Kombëtar të Organizatës së Veteranëve të Luftës Antifashiste Nacionalçlirimtare, pas një mbledhjeje me dyer të mbyllura ka vendosur t’i kërkojë Kuvendit të Shqipërisë shkarkimin nga detyra të presidentit Nishani, për njollosjen e vlerave të LANÇ, për nderimin e kolaboracionistëve dhe nazifashistëve.
Në letër, ata e konsiderojnë dekorimin e 67 ballistëve një akt antikushtetues dhe antikombëtar. Sekretari i Përgjithshëm i Komitetit Kombëtar të Veteranëve, LANÇ, Odise Porodini, i ka thënë gazetës “Shqiptarja.com” se kërkesa e kryesisë së organizatës i është përcjellë Kuvendit të Shqipërisë, bashkëngjitur me argumentet përkatëse.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
