Sperma e miut e ruajtur në bordin e Stacionit Hapësinor Ndërkombëtar për gati 6 vite nuk ka pësuar asnjë dëmtim të ADN-së dhe është përdorur për të prodhuar “këlyshë hapësinorë të shëndetshëm”.
Sipas një studimi, zbulimet hedhin më shumë dritë nëse gjitarët, përfshirë njerëzit mund të riprodhohen në hapësirë.
Kombinuar me eksperimente në Tokë që ekspozojnë spermën e minjve në rrezet X, studimi, i botuar të premten në revistën “Science Advances”, zbuloi se qelizat e spermës së gjitarëve mund të ruhen brenda Stacionit Hapësinor Ndërkombëtar (ISS) për afro 200 vjet.
Ndërsa kërkimet kanë zbuluar prej kohësh që ekspozimi ndaj rrezatimit në hapësirën e jashtme mund të dëmtojë ADN-në në qeliza dhe të rezultojë në mutacione që mund të kalojnë te pasardhësit, mungesa e frigoriferëve në bordin e Stacionit Hapësinor Ndërkombëtar ka parandaluar kërkimin afatgjatë mbi qelizat e gjalla.
Studiuesit ngrinë mostrat e thara të spermës së 12 minjve dhe i mbyllën ato në kapsolla të vogla, të cilat i transportuan në Stacionit Hapësinor Ndërkombëtar me raketa.
Për shkak të përzierjes komplekse të shumë llojeve të ndryshme të rrezatimeve në hapësirë, ata thanë se eksperimentet vlerësojnë dëmtimin e ADN-së vetëm në Tokë.
“Ka shumë lloje të ndryshme të rrezatimit që fluturojnë përreth në hapësirë, ndryshe nga toka. Për shembull, ka jone të rënda, protone dhe valë elektromagnetike nga shpërthimet diellore ”, tha Wakayama për The Independent.
"Është e vështirë të riprodhohesh me të gjitha këto lloje rrezatimesh në të njëjtën kohë në Tokë, kështu që mendoj se dëmtimi i ADN-së në mostrat biologjike mund të matet vetëm në hapësirë," shpjegoi ai.
Shkencëtarët testuan periodikisht pjesë të vogla të mostrës, duke kthyer disa në Tokë pas 9 muajsh dhe duke lënë dy grupe të tjera në bordin e Stacionit Hapësinor Ndërkombëtar për 2 vite e 9 muaj dhe për 5 vite e 10 muaj respektivisht.
Kur studiuesit testuan mostrat duke përdorur mjete të cilat matnin sa rrezatim kishin thithur dhe kryen teste për të vlerësuar dëmtimin e ADN-së në bërthamat e qelizave, ata zbuluan se grupet afatgjata në Stacionit Hapësinor Ndërkombëtar nuk kishin pësuar dëmtim të ADN-së.
Sipas shkencëtarëve, një total prej 168 këlyshësh lindën nga spermatozoidet e ruajtur në hapësirë për 6 vjet, të gjithë kishin pamje normale dhe pa anomali.
Burimi: The Independent Përshtati: MCNtv.al
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
