Konstitucionalisti dhe avokati Sokol Hazizaj përmes një lidhjeje me skype për edicionin e lajmeve në MCN TV tha se masa e sigurimit ndaj Sali Berishës ishte proporcionale dhe jo kushtetuese.
Hazizaj thekson se heqja e masës i shërben GJKKO-së dhe SPAK-ut që të mos nxitohet në masa të karakterit represiv dhe të vendosin këmbët në tokë.
“Kahershëm jemi shprehur që masa e sigurimit e vendosur ndaj z.Berisha ishte një masë e cila ka qenë sa jo proporcionale, edhe tërësisht jo kushtetuese. Në themel të çështjes për të cilën është marrë si i pandehur, edhe ajo fabul ha shumë diskutime, sepse të gjitha aktet janë të Këshillit të Ministrave dhe Kuvendit. Kjo masë s’ka pasur as këmbë kushtetuese as proceduriale. Vendosja e një mase sigurimi kur subjekti është deputet, autorizimi i Kuvendit do ishte i domosdoshëm. Kjo masë s’duhej vendosur. Por ndonjëherë në drejtësi funksionojnë disa etyde: ‘më mirë vonë se sa kurrë’, edhe GJKKO kuptoi që masa duhej revokuar. Pse ishte e domosdoshme të merrej një masë sigurimi për një subjekt, nuk janë gjetur rrethana që të pretendohet se ai individualisht të ketë intimiduar Këshillin e Ministrave apo Kuvendit. Pse ishte e domosdoshme të merrej një masë sigurimi për një subjekt që zgjidhet deputet. Ka vërtetuar që ka qenë në ushtrim të përgjegjësive ligjore. Heqja e masës sot në kuptimin juridik i shërben edhe vet GJKKO-së dhe SPAK, për të mos u nxituar për të mos marrë masa të karakterit represiv. U shërben institucioneve të reja të drejtësisë për të vendosur këmbët në tokë”.
I pyetur nëse do të jetë tanimë Berisha në “detyrim paraqitje”, Hazizaj tha:
“Revokimi i masës së arrestit në shtëpi nuk shoqërohet me vendosjen e një mase tjetër. Me rënien e kësaj mase gjykata ka qenë shumë e mençur për të mos vendosur masë tjetër. Vepra e Berishës ka të bëjë me vepra penale të karakterit pronësor dhe financiar, janë sa administrative civile dhe në fund janë penale. Kur prevalon një masë e karakterit penal duhet të kesh kaluar dy masat e mëparshme”.
Sipas tij sot Gjykatës Kushtetuese i ka humbur kazusi, sepse çështja mbetet pa objekt.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
