Uashingtoni thuhet se po nxiton të përfundojë një marrëveshje me partnerët e tij më të fuqishëm të NATO-s – Mbretërinë e Bashkuar, Gjermaninë dhe Francën – mbi një sërë garancish sigurie për Ukrainën, në mënyrë që marrëveshja të mund t'i paraqitet bllokut të plotë kur aleanca ushtarake perëndimore të mblidhet në Samitin e Vilnius-it. Ndërmjetësuesit kanë zhvilluar negociata "të furishme, të minutës së fundit" për të finalizuar marrëveshjen e tyre mbi një deklaratë sigurie për Kievin, raportoi Politico të dielën, duke cituar katër zyrtarë të paidentifikuar të njohur me bisedimet. Deklarata do të krijonte një "ombrellë" për të gjitha vendet që dëshirojnë të ofrojnë ndihmë ushtarake për Ukrainën, edhe pse detajet e angazhimeve të sigurisë mund të ndryshojnë nga kombi në komb. SHBA, Britania e Madhe, Franca dhe Gjermania kanë diskutuar këtë çështje me liderët ukrainas si dhe aleatët e tjerë brenda NATO-s, BE-së dhe G7-ës, raporton Politico. Të katër qeveritë synojnë të zbulojnë marrëveshjen e tyre kuadër në samit me shpresën se anëtarët e tjerë do të bashkohen me ta në premtimet e sigurisë. Ngjarja dyditore është planifikuar të fillojë të martën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
