Policia e kryeqytetit ka vijuar edhe gjatë mbrëmjes së djeshme kontrollet për ruajtjen e parametrave te sigurisë rrugore në mënyrë që të shmangen ngjarjet tragjike në rrugë.
Me drager e radar, efektivët e rendit kanë kryer kontrolle përgjatë gjithë natës duke u gdhirë e shtuna, për të konstatuar drejtues mjetesh me probleme.
Pas kontrolleve të ushtruara në rrugët urbane dhe interurbane në përfundim nuk kanë munguar edhe masat ndëshkuese që kanë variuar nga heqja e lejeve të qarkullimit e deri në arrestimin e drejtuesve të mjeteve që janë kapur pa patentë.
Gjatë orëve të mbrëmjes së djeshme dhe orëve të para të mëngjezit të sotëm janë pezulluar :
- 15 Leje Drejtimi për shpejtësi të rrezikshme për përdoruesit e rrugës
- 13 Leje Drejtimi për drejtim mjeti nën efektin e alkoolit
Gjithashtu policia ka arrestuar 4 drejtues mjetesh që drejtonin mjetin në gjendje të dehur apo pa leje drejtimi.
- Në rrugën “Xhorxh W Bush” shtetasi me iniciale Sh.R., 57 vjeç, u verifikua se drejtonte motomjetin nën efektin e alkoolit në masën 0.59 mg/l.
- Në rrugën “Ibrahim Rugova” shtetasi me iniciale E.B., 21 vjeç, u verifikua se drejtonte mjetin nën efektin e alkolit në masën 0.56 mg/l.
- Në rrugën “Xhorxh W Bush” shtetasja me iniciale I.D., 37 vjeçe, u verifikua se drejtonte mjetin nën efektin e alkoolit në masën 0.52 mg/l.
- Në rrugën “Selim Brahja” shtetasi me iniciale A.T., 20 vjeç u verifikua se drejtonte mjetin i papajisur me leje drejtimi.
Policia Rrugore e Tiranës apelon për respektim të rregullave të qarkullimit rrugor duke kontribuar në rritjen e sigurisë së jetës në rrugë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
