Duka dhe Dukesha e Sussex, princi Harry dhe bashkëshortja e tij Meghan Markle, do të vizitojnë Britaninë e Madhe në muajin shtator, për të marrë pjesë në ngjarje bamirësie të cilën e kanë përzemër.
Kjo është hera e parë që çifti do të kthehet në vendlindjen e Harryt, që pas vizitës kur morën pjesë në festimet e Jubileut të Platinumit në muajin qershor.
Ata do të marrin pjesë në Samitin One Young World në Manchester më 5 shtator, i cili mbledh së bashku liderë të rinj nga më shumë se 190 vende të botës.
Dukët e Sussex, u larguan si anëtarë të familjes mbretërore në janar 2020 dhe që nga ai moment jetojnë në California, SHBA.
Ata mbajtën një profil të ulët gjatë festimeve për Jubileun e Platinumit, duke parë paradën e Trooping the Color në Londër nga një dritare, duke mos marrë pjesë në paradën e karrocave.
Një zëdhënës i çiftit tha se ata janë të kënaqur që po vizitojnë Britaninë e Madhe, raporton BBC.
Princi Harry dhe Meghan do të kthehen në Mbretërinë e Bashkuar më 8 shtator për Çmimet WellChild.
Princi Harry është aktualisht i përfshirë në një betejë ligjore me Ministrinë e Brendshme mbi marrëveshjet e tij të sigurisë në Britaninë e Madhe.
Ai ka kërkuar rishikimin e vendimit në mënyrë që mos të paguajë për mbrojtjen policore për veten dhe familjen e tij gjatë qëndrimit në vendlindje.
Jubileu i Platinit ishte hera e parë që duka dhe dukesha u shfaqën së bashku në një festë mbretërore që nga viti 2020, periudhë kur hoqi dorë nga të gjitha detyrimet dhe përfitimet që ofron kurora.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
