Komisioni i Ligjeve ka rrëzuar dekretin e presidentit Ilir Meta i cili ktheu në Kuvend ligjin për masat ndëshkuese gjatë pandemisë.
Dekreti është rrëzuar gjatë mbledhjes së sotme në Komision, me 15 vota pro dhe 1 kundër.
Ligji i kthyer nga Meta parashikon një sërë rregullash të reja për emisionet televizive, ku ndonëse u hiqet ndalesa për jo më shumë se një të ftuar, caktohet distanca prej 2 metrash dhe sanksionet me gjobë deri në mbyllje në rast shkelje.
Në thelb të arsyetimit të presidentit për kthimin e ligjit është cënimi i lirisë së fjalës.
I vetmi që ka votuar kundër rrëzimit të dekretit të kreut të shtetit ishte deputeti Korab Lita.
Kreu i komisionit, Ulsi Manja tha në fjalën e tij se nëse ky ligj do të shkonte sot për dekretim në zyrën e Metës, Presidenti nuk do ta kthente për shkak të ecurisë që ka marrë në javët e fundit pandemia në vendin tone, me shtimin e numrit të të prekurve dhe atyre në spital që kërkojnë terapi intensive.
Ndërsa relatorja Klotilda Bushka tha se gjoba e vendosur në këtë ndryshim që i është bërë ligji nuk ka ndryshuar që nga akti i parë normativ i vendosur nga Këshilli i Ministrave në muajin mars, kur nisi pandemia.
Gjithashtu zëvendës ministrja e Shëndetësisë Mira Rakacolli tha se me fillimin e epidemisë ka evoluar edhe propozimi për marrjen e masave ndaj mosrespektimi i disnancës 2 metra në studiot televizive sjell dëm të madh shëndetësor deri në humbje jete.
“Një nga mënyrat e përhapjes është mosrespektimi i disnancës kur je në një ambient me të sëmurë, respektimi i distancës është mëse e lehtë për t’u bërë, e nëse nuk bëhet dëmi është shumë i madh dhe mund të shkojë deri në humbje jete, dëmi i madh që i shkaktohet një personi nëse studio nuk respekton një gjë kaq të thjeshtë ka qenë etaloni me të cilin është propozuar gjoba nga ministria gjoba 1 milionë lekë.
Pra për mendimin tonë po të shihet me syrin që vërtete e shikon shëndetësia që sa i madh është dëmi për mosmarrjen e një mase kaq të thjeshtë, na duket që është e drejtë”.
Ndërkohë, gjatë mbledhjes në Komisionin e Ligjeve u doskutua edhe projektligji për vendisjen e detyrueshme të maskës mbrojtëse ndaj Covid-19, në ambiente të mbyllura. Kjo nismë u miratua në mënyrë unanime dhe pritet të kalojë në Kuvend.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
