Të dhënat e raportit të fundit të publikuar nga Organizata Botërore e Shëndetësisë mbi ndotjen janë alarmante. Një në katër fëmijë të moshës nën 5 vjeç vdes për shkaqe që lidhjen me ndotjen e mjedisit. Çdo vit, 1.7 milionë fëmijë të kësaj moshe vdesin për shkak se janë të detyruar të thithin ajër të ndotur dhe të pinë ujë të tillë.
Vetëm 8 në 100 njerëz mund të marrin frymë pa e vrarë mendjen, pasi e dinë se ajri që hyn në trupin e tyre është i pastër. 92 të tjerët janë të detyruar të thithin ajër që nuk i plotëson standardet e OBSH-së për nivelin e pluhurave dhe ndotësve të rrezikshëm. Më të prekur nga kjo janë fëmijët.
Vendin e parë në listën e shkaqeve të vdekjes e zënë infeksionet respiratore, në të dytin janë diarretë për shkak të ujit të ndotur dhe kushteve të dobëta higjieno-sanitare, në të tretin kushtet në spitale (mungesa e ujit) dhe në të katërtin malarja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
