Shokon Xhelal Mziu: Kemi ngritur grupet tona, çdo person i dyshimtë do ta pësojë si ai i Elbasanit

Kandidati i Partisë Demokratike për deputet në Dibër, Xhelal Mziu ka bërë një deklaratë shokuese.

Në fjalën e tij, në përmbyllje të fushatës elektorale në Dibër, kandidati për deputet i PD-së i ka bërë thirrje të gjithë qytetarëve që çdo person të dyshimtë ta raportojnë te grupet e posaçme që PD ka ngritur për mbrojtjen e votës dhe do ta pësojnë njëlloj si ai në Elbasan.

“Kemi ngritur grupet e gatshme. Nga sonte në vazhdim çdo person që lëviz në lagjet tuaja mjaftoj një telefonatë dhe do ta pësojë njëlloj si ai i Elbasanit.

Votat tona askush nuk guxon për ti marrë”, është shprehur Xhelal Mziu.