Të paktën 175,000 njerëz kanë vdekur në Europë, dhe kontinenti është ndër rajonet me ngrohjen më të shpejtë në botë, me temperatura që janë rritur rreth dy herë më shpejt se mesatarja globale, paralajmëroi Organizata Botërore e Shëndetësisë (OBSH).
“Vapa është shkaku kryesor i vdekjeve të lidhura me klimën në rajon. Temperaturat ekstreme përkeqësojnë kushtet kronike, duke përfshirë sëmundjet kardiovaskulare, të frymëmarrjes dhe cerebro-vaskulare, shëndetin mendor dhe gjendjet e lidhura me diabetin,” tha drejtori i OBSH-së për Europë, Hans-Henry P. Kluge.
Gjatë 20 viteve të fundit, ka pasur një rritje prej 30 për qind në vdekshmërinë e lidhur me nxehtësinë.
Sipas OBSH-së, numri i vdekjeve të lidhura me nxehtësinë do të "rriten" në vitet e ardhshme për shkak të ngrohjes globale, e cila është përgjegjëse për rritjen e numrit të valëve të të nxehtit në Evropë gjatë dekadave të fundit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
