Vijon të rritet numri i rasteve të reja me koronavirus. Në 24 orët e fundit, në Shqipëri janë shënuar 42 raste të reja, numri më i madh që nga nisja e pandemisë më 9 mars në Shqipëri.
Rastet në fjalë janë kontakte të rasteve pozitive, por edhe raste të reja.
Konkretisht janë 21 raste të reja në Tiranë, 9 në Shkodër, 4 në Durrës, 3 në Krujë, 2 në Llushnjë dhe nga 1 në Pukë, Berat dhe Ura Vajgurore.
Rastet e Krujës janë qytetarë që kanë marrë pjesë në një ceremoni mortore.
Ato e çojnë në 1341 numrin e të prekurve deri tani nga koronavirusi në vendin tonë. Siç bën të ditur Ministria e Shëndetësisë, është rritur numri i pacientëve në terapi intensive.
Tetë prej të shtruarve janë në terapi intensive, një prej të cilëve ndodhet në intubim.
Në 24 orët e fundit janë shëruar 20 të prekur, 8 prej të cilëve personel shëndetësor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
