Sali Berishës i gjendet rivali i parë për postin e kryetarit të Partisë Demokratike, garë e parashikuar për t’u mbajtur më 22 maj, pas tërheqjes së Edvin Kullurit dhe Fatbardh Kadillit, të cilët nuk kanë aplikuar për këtë post.
Në një lidhje për MCN Tv, ish kryetari i Partisë Demokratike Kukës, Ibsen Elezi, deklaroi se do të garojë për postin e kryetarit.
Ditën e djeshme para orës 12.00 të drekës, kam dorëzuar kandidaturën për postin e kryetarit të Partisë Demokratike. Më kanë kërkuar një formular vetëdeklarimi të cilin ua kam dërguar me email. Kam mbështetur një kandidaturë të Edvin Kullurit për kryetar, por vendosa të garoj vetë.
Ndër të tjera shtoi se nuk e di se pse ende grupi i punës për zgjedhjet në PD, nuk ka publikuar ende zyrtarisht dhe publikisht kandidaturën e tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
