Një ish-luftëtar, i cili u largua nga grupi mercenar rus Wagner në korrik, po kërkon azil në Norvegji, thonë autoritetet.
Drejtoria Norvegjeze e Emigracionit dhe avokati i Andrey Medvedev konfirmoi të hënën se 26-vjeçari po kërkonte mbrojtje në vendin nordik, i cili ndan një kufi tokësor prej 96 km me Rusinë.
Medvedev, një jetim që iu bashkua ushtrisë ruse dhe vuajti kohë në burg përpara se t'i bashkohej Grupit Wagner, tha se u largua pasi ishte dëshmitar i vrasjes së dezertorëve të Wagnerit.
Në një intervistë të publikuar të hënën nga Gulagu.net, grupi rus i të drejtave që ndihmoi Medvedevin të arratisej, ai shprehej: "Kam frikë të vdes në agoni".
Policia norvegjeze u njoftua për kalimin e Medvedev të enjten vonë pasi rojet kufitare ruse gjetën gjurmë në dëborë, që tregonin udhëtimin e tij.
I identifikuar në atë kohë vetëm si i huaj, Medvedev u ndalua nga rojet kufitare norvegjeze, tha policia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
