Kreu i grupit parlamentar të PD-së së Rithemelimit Gazment Bardhi është paraqitur sot në SPAK për të dhënë deklarime në lidhje me dosjen “Xibraka”.
Në një raportim për MCN Live gazetari Arsen Rusta bën me dije:
"Në përgjigje të një fletë-thirrje nga prokurori Alfred Shehu ndaj kreut të grupit parlamentar të Rithemelimit, Gazment Bardhi, ai është paraqitur ditën e sotme, pasi dy herë ka qenë në pamundësi për shkak të agjendës së punës. MCN Live ka siguruar pamjet, kur Bardhi kalon shkallët e Prokurorisë së Posaçme. Do të shkojë në zyrën e oficerëve të BKH, ku do të japë deklarime si person që ka dijeni për rrethanat e hetimit, dhe një kallëzim që ai ka bërë pasi pretendon se ka përfshirje të politikës në dosjen e Xibrakës, e cila nuk është hetuar e plotë, përkatësisht ndaj vëllait të kryeministrit, Olsi Rama. Ka pasur edhe një padi për shpifje në fakt, për moskallëzim krimi, e cila është pushuar”.
"Isha në cilësinë e personit që ka dijeni për çështjen", është shprehur Bardhi pas daljes nga SPAK, në një prononcim të shkurtër për mediat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
