Jeff Bezos do ta japë pjesën më të madhe të pasurisë së tij për bamirësi

Themeluesi i Amazon, Jeff Bezos ka deklaruar se ka në plan të dhurojë pjesën më të madhe të pasurisë së tij prej 124 miliardë dollarësh .

Biznesmeni tha për CNN se do të dhuronte pasurinë e tij për të luftuar ndryshimet klimatike dhe për të reduktuar pabarazinë.

Bezos i zbuloi planet pasi i dhuroi 100 milionë dollarë yllit të muzikës country dhe filantropistes Dolly Parton për t'i përdorur për qëllime bamirësie.

I pyetur nga CNN nëse ai kishte ndërmend të jepte pjesën më të madhe të pasurisë së tij gjatë jetës së tij, Bezos tha: Po, po.

Ai nuk pranoi të jepte detaje se ku do t'i shpenzonte apo dhuronte paratë.