Një vajzë e vogël ka shpëtuar për mrekulli në bregdetin grek. Ajo ishte në breg me komardaren e saj në Gjirin e Korithit në Greqi, ku në mungesë të vëmendjes së prindërve deti e kishte tërhequr 500 metra larg bregut.
Rojet bregdetare greke u habitën kur panë në mes të detit një komardare me një fëmijë 4 vjeç në të. Ndodhi të hënën në mëngjes në Rio – Antirrio, Greqi.
Fëmija ishte vërtet me fat pasi u shpëtua nga rojet bregdetare të cilët ndaluan anijen dhe e morën vajzën por kjo histori mund të përfundonte edhe në tragjedi.
Mesa duket vajza i kishte shpëtuar kotrollit të prindërve të saj dhe rryma kishte çuar komardaren me vajzën e vogël në të 500 metra larg nga bregu.
Videoja tronditëse po bën xhiron në rrjetet sociale dhe po merr shumë reagime, dhe pyetja që të gjithë ngrenë është: Po prindërit ku ishin?
Videja e publikuar nga Petros Kritsonis shoqërohet me një përshkrim ku shkruan se nuk ka qëllim të fajosë prindërit por të ndërgjegjësojë ata për rrezikun që i kanosen fëmijëve nga lodrat e detit.
Në breg, ndodhen prindërit e vajzës të cilët janë në ankth. Pak kohë para se vajza të humbte në valët e detit ajo po luante me babain e saj në breg. Sidoqoftë, era ndryshoi direkt drejtim dhe ajo u zhduk nga sytë e të atit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
