Françeska Rustemi kurorëzohet Mis Universe Albania 2024

<p>Françeska Rustemi është fituesja e Miss Universe Albania 2024. Vajza nga Durrësi rrëmbeu kurorën e më të bukurës, pas një gare të shndërruar në spektakël në Pallatin e Kongreseve.</p> <p>Bukuroshja nga Durrësi bëhet kështu vajza që do të përfaqësojë Shqipërinë në Miss Universe 2024 në Nikaragua.</p> <p>Spektakli i bukurisë riktheu në skenë një ikonë të ekranit. Silvana Braçe, e cila ka prezantuar spektaklin e parë të bukurisë në Shqipëri, u rikthye në të njëjtën skenë pas 32 vitesh, kësaj here krah Teni Vllaçajt dhe Deta Kokomanit.</p> <p>Gjatë mbrëmjes nuk munguan surprizat dhe të ftuarit. Ledri Vula dhe Valon Shehu shoqëruan me muzikën e tyre sfilatat e vajzave garuese, ndërsa Ledina Çelo u rikthye me një performancë shpërthyese.</p> <p>Për herë të parë, gjatë kësaj gare u përzgjodh edhe Miss Universe Mali i Zi. Rumina Ivezaj do të përfaqësojë Malin e Zin ë kompeticionin botëror të Miss Universe.</p> <p>Miss Universe u transmetua live në Shqipëri dhe Kosovë. Publiku në Shqipëri pati mundësinë ta ndiqte përmes ekranit të MCN TV, njëkohësisht sponsor gjeneral i&nbsp;këtij eventi. &nbsp;</p> <p>&nbsp;</p> <p>&nbsp;</p>