Të paktën tetë persona janë plagosur pasi një person i armatosur hapi zjarr në një autobus pranë Murit Perëndimor në qytetin e vjetër të Jeruzalemit, thonë zyrtarët izraelitë.
I dyshuari hapi zjarr teksa pelegrinët po ktheheshin nga lutjet në vendin e shenjtë. Dy persona, mes tyre një grua shtatzënë, janë në gjendje kritike për jetën. Agresori u larguanga vendngjarja, por tashmë thuhet se është vetdorëzuar.
Muri Perëndimor është një nga vendet më të shenjta në judaizëm. Mijëra besimtarë udhëtojnë për t'u lutur atje çdo vit. Shërbimet e urgjencës izraelite thanë se personi i armatosur kishte në shënjestër një autobus pranë Varrit të Mbretit David dhe një parking makinash pranë Murit Perëndimor.
Shoferi, Daniel Kanievsky, u tha mediave lokale autobusi i tij ishte plot me pasagjerë në momentin e të shtënave. Një grua shtatzënë u qëllua në bark dhe iu desh të bënte një operacion urgjent cezarian, dhe raportohet të jetë në gjendje serioze, por të qëndrueshme shëndetësore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
