Ndonëse Maqedonia e Veriut pritet të mbajë zgjedhjet në prill, kryeministri Zoran Zaev e kushtëzon mbajtjen e tyre me bashkëpunimin e opozitës për kalimin e ligjeve në Parlament. Sipas Zaev, fjala është për ligje që kanë të bëjnë me rritjen e pensioneve dhe projekte të rëndësishme shtetërore.
“Për zgjedhjet jemi marrë vesh dhe ato duhet të mbahen më 12 prill. Unë jam i pari që dëshiroj që t’u përmbahemi procedurave, por në rast se lejohet që opozita në mënyrë të dukshme në Kuvend të gjejë mënyra, ndërkohë që ka të drejtë sipas rregullores, t’i bllokojë ligjet për paga dhe pensione më të mëdha, për realizimin e projekteve shtetërore të cilat nënkuptojnë jetë për qytetarët, kjo paraqet shkak shumë serioz që të flasim madje edhe për anulim të zgjedhjeve”, deklaroi Zaev.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
