Një punonjës i CIA-s, i cili u akuzua për zbulimin e dokumenteve të klasifikuara në lidhje me planet e Izraelit për të goditur Iranin, u deklarua fajtor të premten për akuzat penale se mbajti dhe transmetoi me dashje informacionin e mbrojtjes kombëtare, njoftoi Departamenti i Drejtësisë i SHBA.
Duke u deklaruar fajtor, Asif William Rahman, i cili punonte në agjencinë amerikane të inteligjencës që nga viti 2016, pranoi se ai shkarkonte, printonte dhe shpërndante në mënyrë të paligjshme informacione të klasifikuara në shumë raste.
34-vjeçari përballet me një dënim maksimal prej 10 vitesh burg për secilën nga dy akuzat: mbajtjen dhe transmetimin e informacionit të klasifikuar në lidhje me mbrojtjen kombëtare.
Rahman kishte punuar për agjencinë e inteligjencës që nga viti 2016 dhe kishte një leje sigurie top-sekret.
Informacioni sekret u publikua përfundimisht në platformën e mediave sociale Telegram.
Një deklaratë e Departamentit të Drejtësisë tha se duke filluar nga pranvera e vitit 2024 dhe duke zgjatur deri në nëntor, Rahman ndau informacionin “top-sekret” të cilat i mësoi në punën e tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
