Shtetasi rus Alexei Moskalev, i dënuar me dy vjet burg për çnderimin e Rusisë pasi vajza e tij Masha vizatoi një vizatim kundër luftës në shkollë, është arrestuar në Minsk të Bjellorusisë.
Moskalev i kishte shpëtuar arrestit shtëpiak në fillim të marsit pas një hetimi policor pasi vajza e tij, nxënëse e klasës së gjashtë, refuzoi të ndiqte një mësim patriotik në shkollën e saj dhe bëri disa vizatime që tregonin raketa të hedhura mbi një familje që qëndronte nën flamurin ukrainas dhe një thënie “Lavdi Ukrainës!”.
Moskalev u dënua me dy vjet burg si dënim për kritikat e tij ndaj politikave të Kremlinit në postimet e bëra në rrjetet sociale, në të cilat ai e quajti regjimin rus “terrorist” dhe i përshkroi trupat e ushtrisë ruse si përdhunues.
Ndërkohë 12-vjeçarja u internua në një qendër për rehabilitimin e të miturve.
Policia e arrestoi Moskalyo në Minsk të Bjellorusisë, lajm i konfirmuar nga avokati i tij, aktivisti për të drejtat e njeriut Dmitry Zakhvatov.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
